منتدى ايام صفانا

منتدى يهتم بالاداب والفنون السودانيه من غناء وشعر وتراث
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 هترشات وذكريات

اذهب الى الأسفل 
كاتب الموضوعرسالة
اسماء الكبرى

avatar

المساهمات : 24
تاريخ التسجيل : 18/01/2018

مُساهمةموضوع: هترشات وذكريات    الأحد يناير 28, 2018 1:27 pm

استمع الی صوت مغني يردد اغنيۀ حمد الريح الوصيه وآسمع < نحن راجعين في المغيرب> ويمر امام شريط رائع ,,,,,, قدوم الناس من المزارع ( البحر کما يقول الناس في بلدي) وهم يتصايحون ,,, هازول قالوا العربات قبيل جابن وليدات الجامعه ,,,, الخراب ال الليله النعجات رضعن ,,, والاخر يترنم بمقطع دوبيت طربان يضحکون ,,, ما اجملهم لم تشقيهم المدنيه بنفاقها ,,,,,, وهناک من المنازل يأتيک صوت النساء يامحمد يا علي تعالو للبيت خلاص دا االمغارب ياشفع ماتلعبوا مع حمارات المغارب( سبحان الله من اخبرک بهذا) ,,,,,,,, يابت تعالي جيبي الحله داير احلب وانتي امشي فکي البهمات عشان نرضعن ,,,,,,, ياولد في زول رمی ليهو قش شوفو کان فيهو قنقرات (عيش ريف) ويتسابق الصغار علي القصب دي حقتي لا دي حقتي انا ياالله دي لبنيه( لينه طريه سهلۀ النضج والاکل ),,,,,,,,, وتسمع احدهم يصيح ياولد ها جيبلک جردل اکب لکم لبن ويجري ياولد دا منو دی عمي ود الحسن جاب لنا لبن وکل هذا بدون مقابل مادي ما أبهاکم وأجملکم تعاطف وتراحم نفتقده ذهب وذهب معه الخير ,,,,,,,,,,,,,, المغرب في قريتي حياه ثانيه اوقات زاهيه ,,,,,,,,,, ها نحن نتحلق حول موقد النار ( المنقد) وکل واحد فينا ممسکا بکوبه ونکسر لحظات الانتظار بمداعبات بعضنا البعض(قريق) شفت صاحبک وقع من الحمار ,,,,, والله الحمار مامطيع وتصب امي الشاي يا امي مالقيت لي رغيفه اقرضها مع الشاي ,,,, امشي الطبق شيلي حرف کسره انت ديمه تتمحرکي وتتخاملي کدا ,,,,,,,,,,,,,,,,,,,,, تلک کانت ايام خوالي ايام نقاء وصفاء ليتها تعود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هترشات وذكريات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ايام صفانا :: منتدى القصه القصيره-
انتقل الى: