منتدى ايام صفانا

منتدى يهتم بالاداب والفنون السودانيه من غناء وشعر وتراث
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 اخر المطاف ... ربيع محمد الحسن

اذهب الى الأسفل 
كاتب الموضوعرسالة
اسماء الكبرى

avatar

المساهمات : 24
تاريخ التسجيل : 18/01/2018

مُساهمةموضوع: اخر المطاف ... ربيع محمد الحسن   الأحد فبراير 04, 2018 11:04 am

آخر المطاف ربيع

يا ريتنا نحترم المشاعر
نرعى بيناتنا المؤودة
و نبقى جبارين خواطر..

تجمع الأفراح قلوبنا
وتغسل الأحزان دموعنا
وروحنا واحدة علي المخاطر..

ليه تذيد القسوة فينا
و بالكلام تشهد علينا
بيها كم أدمينا خاطر..

ليه نهين فى زول مشاعرو
ندمي بالألفاظ جواحو
و الكلام أبقالو ساخر..

كل إنسان نفسو سامية
بتبقى فى وجدانو غالية
و بيها بعتزا و بفاخر..

ليه بننسى الدنيا معبر
وفيها بكرة بنعرف أكتر
إنو مكتوب لينا آخر..

نحنا مخلوقين زسواسي
ليه قلوبنا شعورا قاسي
و ديمة تتمادا و تكابر..

ليه بنغلط فى حياتنا
و فيها تتبدل صفاتنا
نحنا ضيف فى سكة عابر

فيها أزرع للمحبة
وربي فى جواك مؤدة
والقليب خليهو صااابر.

فى البصائر حاسة سادسة
فى البدور جوانا حاسة
بتلقى معنى الدنيا ظاهر.

أوع فيها تضيع فراستك
مرة تقسى وتنسى ناسك
تبقى مخدوع بالمظاهر..

أحمي نفسك فى طريقا
و أوع يسحر ليك بريقا
إنت لسع عمر زاااهر..

ليك بتحمي السنة دربك
بيها صفي ونقي زقلبك
و الكتاب اتلوه ذااااكر..

ليهو سخر كل حواسك
بيهو بتريح جوارحك
ليه تعيش فى جو عاكر..

والبدور فى الدنيا هين
خلي طبعك يبقى دين
واطرأ حكم المولى باكر.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اخر المطاف ... ربيع محمد الحسن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ايام صفانا :: منتدى اشعار الاعضاء-
انتقل الى: